Selfmed Mediese Skema is 'n geregistreerde, oop Suid-Afrikaanse mediese fonds. Sedert die skema se onstaan in 1965, en amptelike registrasie op 19 November 1974, het Selfmed gegroei tot ‘n besonderse stabiele mediese fonds, met reserwes wat aansienlik hoër is as die wetlike vereistes. As ‘n onafhanklike entiteit word die skema deur 'n Raad van vyf Trustees bestuur, wat danksy hul puik bestuursvernuf Selfmed van krag tot krag neem.

Is dit die ekstras, bv gratis gym-lidmaatskap of fliekkaartjies, of werklike mediese dekking wat jy nodig het?

As jy ‘n hulplyn skakel, wil jy met ‘n administrateur praat - wat aan verskillende fondse aandag gee - of verkies jy ‘n persoon wat sy/haar
aandag net aan een fonds wy?

Geniet die grootte van ‘n mediese fonds by jou voorkeur bo die finansiële stabiliteit? Of wil jy gemoedsrus hê dat jou mediese fonds daar sal
wees – môre, die dag daarna en so lank jy dit nodig het?

Indien jy opsoek is na:

• bekostigbare, verstaanbare mediese dekking,
  

• 'n betroubare, persoonlike benadering tot jou behoeftes, en
  

• die sekuriteit om te behoort aan ‘n goed gevestigde mediese fonds vir nog vele jare, is die besluit maklik:
  

SELFMED – ONS BENADERING TOT GESONDHEIDSORG LAAT ONS UITSTAAN BO DIE RES!

Dit is dikwels 'n traumatiese ervaring om ernstig siek te word of seer te kry, selfs al is jy lid van 'n mediese fonds. So stel jou voor hoeveel erger finansiële druk en emosionele stres jy sal moet ontbeur indien jy nie enige mediese dekking het nie.

Alhoewel die oorgrote meerderheid mediese fondse op die oog af meestal dieselfde voordele bied, is dit nie voldoende om sommer net by enige mediese fonds aan te sluit nie. Jou mediese dekking mag dalk eendag jou lewe red, so dit is van kardinale belang om die regte mediese fonds of hospitaalplan te identifiseer.

Selfmed Mediese Skema bied 'n reeks uitsonderlike opsies wat spesifiek geskep is rondom die gespesialiseerde behoeftes van entrepreneurs, professionele mense en uitgesoekte maatskappye. Ons verstaan dat hierdie lede omvattende mediese dekking en finansiële gemoedsrus nodig het.
As een van die voorste Suid Afrikaanse mediese fonds skemas, bied ons lede verskeie mediese opsies, elk met unieke voordele en eienskappe wat in die behoeftes van die individuele verbruiker, sowel as die korporatiewe maatskappy, voorsien.